17 Best Plugins For WordPress Blog in Hindi (2020)

Hello Dosto, Agar aap WordPress use karte hai ya phir WordPress par naye mehmaan hai to aapko pata hona chahiye ke apne blog ko super charge rakhne ke liye aapko konse plugins ki jarurat hai. Aaj is post me hum aapko 17 Best plugins for WordPress Blog ke baare me batayenge jo har ek blogger ke WordPress blog me hona jaruri hai.

WordPress aapko sabhi features ke sath nahi milta hai. Aap apni jarurat ke hisab se WordPress Official Plugin Directory se plugin install kar sakte hai aur jaisi bhi Website/Blog banana chahte hai bana sakte hai. To chaliye dekhte hai 17 Best Plugins For WordPress Blog konse hai jo sabhi blogger ke pass hona jaruri hai.

Blogging se paise kaise kamaye?

WordPress Vs Blogger konsa platform best hai blogging ke liye?

17 Best Plugins for WordPress Blog

• Save

1. Akismet Anti-Spam

Jab aap WordPress install karte hai to aapko Akismet anti spam plugin already installed hua milta hai. Akismet plugin WordPress ki hi parent company Automattic dwara launch kiya hua ek powerful plugin hai.

Jo aapke blog ko spam comments se bachata hai. Basically, Ye ek filter ke taur par kam karta hai. Aapke blog par aarahe spam comments ko ye spam section me shift kar deta hai.

Aur aapko spam comments ki wajah se pareshan nahi hona padta hai. Ye plugin aapke blog me hona bhut hi jaruri hai.

Download Akismet Anti – Spam

2. Contact Form 7

Agar aap ek blogger hai ya blogging karna chahte hai to aapke blog me ek contact form hona bhut hi jyada jaruri hai. Because, Aapki website ya blog me contact form add hone ki wajah se ek reader bina kisi contact details ke aapse contact kar sakta hai.

Bus usko aapke blog ke contact form ko fill karna hota hai apni email id aur message ke sath.

Waise to contact form ko lagane ke liye bhut saare plugins available hai. But Contact form 7 un sab me se best plugin hai. Jise koi bhi blogger badi aasani se apni website ya blog me add kar sakta hai.

Download Contact Form 7

3. Yoast SEO

Agar baat ki jaye Website/Blog ko search engine me rank karwane ki to uske liye sabse important cheez hoti hai SEO (Search Engine Optimization). Aap kitna bhi achcha content kyon na likh le. But agar aapka SEO hi thik nahi hoga to aapke blog ko aap search engine me rank nahi karwa sakte.

Isi problem ka solution hai Yoast SEO jo ki aapki basic se lekar advanced level tak SEO me help karta hai.

Yoast SEO aapko choti se choti cheezo me help karta. Aur chahe aap ek beginner hai ya phir already blogging field me hai. Yoast SEO plugin aapke liye bhut important plugin hai.

Download Yoast SEO

4. Jetpack by WordPress.com

Ye plugin bhi automattic jo ki WordPress ki parent company hai usi ke dwara banaya gya hai. Jetpack koi ek particular feature ka plugin nahi hai. Ise hum set of features keh sakte hai jisme aapko bhut saare feature milte hai.

Jaise ki aap apne blog ki analytics dekh sakte hai, Social sites par automatic post share kar sakte hai, Blog par social plugins add kar sakte hai.

Jetpack me aapko bhut hi saare features milte hai. Ye ek bhut hi jyada powerful plugin hai jo aapke blog me hona hi chahiye.

Download Jetpack

5. W3 Total Cache

W3 total cache aapki website/blog ke cache ko clear karta hai aur aapke blog ki speed ko increase karne me help karta hai. Jaise ki jab aapka mobile phone slow ho jata hai to aap kisi cache clear App ke dwara cache ko clear karte hai ya phir cookies delete karte hai. Usi tarah W3 total cache bhi aapki website ke liye kaam karta hai.

Download W3 Total Cache

Ye bhi padhe:-

Free Blog banane ke liye best Platform Blogger.com

BlogSpot platform ke liye custom domain kyon zaruri hai

Affiliate marketing kya hai aur isse paise kaise kamaye ja sakte hai?

Quora kya hai Aur ek blogger/YouTuber ke liye kyon fayde mand hai

6. Wordfence Security – Firewall & Malware scan

Ye ek security plugin hai jo ki aapki website ko bhut saare bad attacks se secure karta hai . Wordfence Security plugin aapki website/blog me malware scanner ke dwara kisi bhi malicious code ko enter nahi hone deta hai. Security purpose se ye best plugin hai. Already Wordfence Security plugin ki 1+ million active installations ho rakhi hai.

Download Wordfence Security

7. UpdraftPlus WordPress Backup Plugin

Aap iske naam se hi samajh gaye honge ye kis kaam aata hai. Ji haan, ye ek backup plugin hai Jahan aap apne website/blog ke data ka backup le sakte hai.

Basically, Aap sab jante hi honge pehle ke time me hum logo ke phone ka data format ya delete ho jaane se hume kaafi problems hoti thi. Kyonki wahan hamare photos ke sath kuch jaruri documents ya folder bhi hote the.

But aaj hume dar nahi hota hai. Kyonki humare pass phone ka backup lene ke liye kaafi saare options hai. Ab to Google ne bhi photos backup ke liye Google photos aur Documents ke liye Google Drive jaise product bana diye hai.

Usi tarah WordPress blog ke liye UpdraftPlus WordPress Backup Plugin kaam karta hai.

Hume blog par daily kuch na kuch update karna hi hota hai ya phir koi naya plugin add karne se bhi kayi baari problem aajati hai. Jis wajah se site work nahi karti hai. To Updraft hume un sabhi problems se bachata hai.

Download UpdraftPlus

Best Plugins for WordPress Blog

8. Smush Image Compression and Optimization

Ye plugin website/blog ki images ko compress karke optimize karta hai. Jyada size ki images hone ki wajah se blog ka load time badh jata hai. Jiski wajah se ranking me fark padta hai. But is plugin ki help se aap apni images ko compress kar sakte hai. Images Compression ke liye aapko koi alag tool par jaane ki jarurat nahi hai.

Download Smush Image compression and optimization

9. TinyMCE Advanced

TinyMCE Advanced plugin aapke liye bhut hi jyada helpful plugin hai. Because WordPress ka jo default editor hota hai usme jyada features available nahi hote. Post likhte time aapke pas text editing ke liye limited options hone ki wajah se aap post me jyada editing nahi kar sakte. But TinyMCE Advanced ki help se aap apni blog post ko jaise chahe create kar sakte hai.

Iske features me aapko table add karne, Read more tag insert aur find and replace karne ke option bhi milte hai.

Download TinyMCE Advanced

10. Easy Table of Contents

Easy Table of Contents aapke website/blog me jitni bhi Headings – Subheadings hoti hai unhe ek hierarchical way me show karta hai. Kehne ka matlab ye hai jab aap post likhte hai to usme bhut si headings aur subheadings hoti hai. Easy table of contents ki help se reader ko ye check karne me aasani hoti hai ke ek particular post me aap kya kya cover kar rahe hai.

Jisse agar reader ko koi ek special topic ko hi read karna hai to woh Easy table of contents ki help se direct us link par click karke us section me ja sakta hai.

Download Easy table of contents

Ye bhi padhe:-

Domain kya hai aur Website ke liye kyon zaruri hai

Web Hosting kya hai or kab konsi hosting ka use karna chahiye – Detailed Guide

Freelancing kya hai aur isse paise kaise kamaye

Google Adsense par account kaise banaye?

Google kya hai – Kya aap Jante hai pura sach?

11. Elementor

Elementor ek bhut hi jyada powerful plugin hai jiski help se aap apne home page aur post ko customize kar sakte hai. Isme aapko bhut saare features milte hai. Jinhe use karne ke liye aapko bus drag and drop karna padta hai. Elementor ko install karne ke bad ye aapko visual editor me hi show hota hai. Jahan directly aap iska use kar sakte hai.

Download Elementor

12. Google XML Sitemaps

Google XML Sitemaps aapke blog ke liye ek special XML sitemap generate karta hai. Jo apke blog ko search engines me better tarike se index karne me help karta hai . Aap apne blog ke liye jo bhi content create karte hai agar search engine ko uske baare me pata nhi hoga to aapka content index nahi ho payega.

Jo bhi content aap apne blog me add karte hai woh XML sitemap ke zariye search engine ko pata lag jata hai. Aur Google ke spider bot badi aasani se pata lga lete hai kahan konsa URL unhe index karna hai.

Google XML Sitemaps plugin aapke WordPress blog ke liye automatically XML sitemap generate karta hai. Ye har tarike ke pages aur URL’S ko support karta hai chahe woh custom URL hi kyon na ho. Aur jab bhi aap koi naya content apne blog par dalte hai to ye search engines ko inform kardeta hai.

Download Google XML Sitemaps

13. OneSignal – Web Push Notifications

OneSignal – Web Push notifications bhut hi jyada behterin plugin hai. Ye aapke reader ke browser me aapke blog ke latest update jaise ki new post ke baare me notifications send karta hai. Agar aapka reader notification ke liye allow karta hai.

Is feature ko blog me add karne ke liye waise to bhut saare plugins available hai. But ye plugin bhut hi jyada popular hai. Iske dwara aap apne readers ki engagement ko increase kar sakte hai. OneSignal notifications Chrome, Safari, Firefox, Microsoft Edge in sabhi browsers ko support karta hai.

Agar aapka koi reader aapka blog left bhi kar deta hai tab bhi usey new post update karne par notifications milti hai. Jisse aapki re-engagement badhti hai.

Download OneSignal – Web Push Notifications

14. WordPress – Ad Inserter

Jaise ki aap sab jante hi hai jyadatar blogger apne blog par Google AdSense ads ka use karta hai. But Ads ko insert karte time unhe kaafi saari problems ka samna bhi karna padta hai. Konsi Ad kahan lagayi jaaye aur kayi baari Ads load hi nahi ho paati hai. In sab problem ka solution hai Ad inserter jiska dwara aap Ads ko kahan lagana hai easily manage kar sakte hai.

Ad Inserter har type ki ads ko support karta hai jisme shamil hai Google AdSense ads, Media.net, contextual Amazon native shopping ads aur rotating banner ads.

Download WordPress Ad Inserter

15. WPS Hide Login

WPS Hide Login bhut hi jyada light plugin hai. Ye aapke login page ka URL change karne ke kaam aata hai. jab aap apne wordpress blog ya phir website ke liye login karte hai to aapki website ke name ke bad yourwebsiteaddress/wp-login.php by default show karta hai.

But is plugin ki help se aap easily apne login page ke yourwebsiteaddress/wp-login.php ko change kar sakte hai.

Aap apne hisab se login page URL ko change kar sakte hai. Login page change karne ka benefit ye hai ke agar koi hacker aapke blog ke login page ko access karta bhi hai to wo ye pata nahi laga sakta ke aapka WordPress ka Login page URL kya hai. Because wo to aapko hi pata hoga aapne kya set kiya hua hai.

Download WPS Hide Login

16. Flamingo

Flamingo ki help se aap apne contact form ke dwara aaye messages ko ek hi tab me dekh sakte hai. Aur wahan se hi unko manage bhi kar sakte hai. Ye plugin bhut helpful hai. aur aap ise bhut hi aasani se install karke use kar sakte hai.

Download Flamingo

17. Click To Tweet

Click To Tweet bhut hi achcha plugin hai. Aap sab jante hai aaj ki date me social media bhut hi bada role nibhata hai traffic generation me. Click to tweet ki madad se aap apne blog ke liye tweet boxes bana sakte hai jise aap apne according blog post me kahin bhi add kar sakte hai.

Ye traffic generation ke liye kaafi behterin aur powerful plugin hai.

Download Click To Tweet

Interview with Successful Blogger Mangesh Bhardwaj

Instagram Kya hai | New account kaise banaye?

PayTm kya hai aur kaise account create kare

Conclusion

So, Friends Aaj ki post me humne baat ki 17 Best plugins for WordPress blog, (Best WordPress blog plugins) ke baare me. Agar aapka koi bhi sawal hai to aap hume comment box me comment ke zariye puch sakte hai.

Aage bhi hum WordPress se related aur bhi behterin post likhte rahenge. Latest post ke liye Hindi Blogging Hub ko subscribe kar lijiye. Aur is blog ko regular visit karte rahiye.

Ye post aapko pasand aaya to ise social sites par zarur share kare. Aur aese hi apna support dete rahe.🤗