Custom Domain Blogger Platform Ke Liye Kyon Jaruri Hai? (2020)

Custom Domain Blogger Blog ke Liye kyon jaruri hai – Hello Dosto, Jaise ki aap sab jante hi hai jitne bhi “Newbie Bloggers” hote hai unke blogging career ki shuruaat BlogSpot platform ya phir wordpress.com se hi hoti hai.

 

Kyonki starting me har koi free platform use karna pasand karta hai. Aur ye do aese famous platform hai jahan zero cost par free blog banana bhut hi aasan hai. But free blog banate time jyadatar log inke dwara provide kiye gaye sub-domain ka hi use karte hai. For example-

 

yourblogname.blogspot.com
yourblogname.wordpress.com

 

Ye sub-domain name aapko bilkul free milte hai. But aap dekh sakte hai ye sub-domain name dekhne me kaafi long hote hai aur inhe yaad rakhna bhi aasan nahi hai. Dusre Bloggers ke custom domain name wale blogs ke comparison me ye bilkul bhi professional nahi lagte.

 

Blogging Kya hai – Blogging se paise kaise kamaye?

Free Blog banane ke liye best Platform Blogger.com

 

Custom Domain Blogger Platform ke Liye kyon jaruri hai?

 

Custom Domain Blogger Blog ke Liye kyon jaruri hai?
  • Save

 

As a newbie Blogger (BlogSpot) platform chunna thik hai. kyonki aapko yahan blogging karne se blogging ka experience milta hai. Jiske liye aapko apni pocket se ek bhi paisa kharchna nahi padta. But sub-domain ki jagah agar aap custom domain name ke sath blogging career ki shuruaat karte hai to aapke liye bhut hi jyada beneficial hai.

 

Bhut saare aese bloggers hai jo sub-domain par hi apna bhut saara time invest karte hai. But custom domain name nahi lete ya phir ye sochte hai custom domain name to kabhi bhi liya ja sakta hai. But aesa bilkul nahi hai chaliye batate hai aesa karne se kya problems ho sakti hai.

 

Ye bhi padhe:-

 

Domain kya hai – Sahi Domain name kaise chune?

WordPress Kya hai | Blogging ke Liye best platform kyon hai

WordPress Vs BlogSpot Blogging ke liye konsa platform best hai aur kyon?

Web Hosting kya hai – Kitne types ki hoti hai? (Ek achi Web hosting website ke liye kyon jaruri hai)

 

Custom Domain Blogger Platform par na lene ke Nuksaan:-

 

Kuch time baad Sub-domain se Custom domain name par shift hone ke nuskaan.

 

1. Custom Domain name not Available

 

Jis bhi sub-domain name par aapka blog chal raha hai jaruri nahi hai same name ka custom domain name available ho. Bhut baari aesa hota hai jo domain name hum lena chahte hai wo already booked hota hai.

 

2. DA (Domain Authority) Problem

 

Maan lijiye koi bhi person apna blog sub-domain ke sath 1 saal ya usse jyada time se chala raha hai. Aur uske blog par achcha khaasa traffic bhi aaraha hai. To uske blog ki kuch to DA (Domain Authority) bani hogi.

 

Agar woh apne blog ke sub-domain ko custom domain se badal deta hai to uske blog ki DA 0 ho jayegi. Yaani jo bhi itne time me usne Sub-domain ki value banayi wo khatam ho gayi.

 

3. Need to update Google search console and Google Analytics Account

 

Aapko apne new domain ke liye Google search console aur Analytics tool me bane account ko dubara se update karne ki jarurat padegi.

 

4. Again Site Map submission

 

Jab aap sub-domain name shift karenge to aapko apna new domain name dubara se sabhi search engines me submit karna hoga.

 

5. It’s take time to visible on Search Engine

 

New blog address ko search engine me visible hone ke liye time lagta hai. Jab bhi aap apna blog address change karenge to ye search engine me dikhne ke liye time lega. Because Google ko old domain se new domain (301 Redirection) par jaane me samay lagta hai.

 

6. Lost All Backlinks

 

Aapne jitni bhi mehnat backlinks banane me lagayi hogi woh zero ho jayegi. Aapko dubara se new backlinks banane padenge.

 

7. Re-Branding

 

Re-branding ki jarurat padegi. Because aapke new blog address ko koi nahi janta hoga. Aapko phir se time dena hoga blog addess ko promote karne ke liye.

 

8. Social Media Profile Updation

 

Apne new blog address ko jitne bhi aapke social media profiles chal rahe hai sabhi par update karna hoga.

 

Abhi tak humne baat ki der se blogger custom domain lene ke kya kya nuksaan hai. Ab Jante hai iske benefits kya hai.

 

 

Ye bhi padhe:-

 

17 Best Plugins WordPress Blog ke liye

Interview with Successful Blogger Founder of BloggingQnA

Freelancing kya hai | Freelancing se paise kaise kamaye

 

Why to Need Custom Domain for Blogger Blog?

 

Custom Domain for BlogSpot Blog
  • Save

 

1. SEO Benefit

 

Agar aap Blogger me custom domain ka use karte hai to jab bhi kabhi aap apna blog WordPress par shift karenge. Aapke link juice secure rahenge. Aur search engine custom domain ko sub-domain ke comparison me jyada preference dete hai.

 

2. Custom Domain name is not a waste of money

 

Domain name buy karna se aapke paise waste nahi hote hai. Aapko fayda hi milta hai. First year ke liye aap 99 Rs. me domain name khareed sakte hai. Uske bad 700-800 yearly charges jaate hai. Ye koi bhut badi keemat nahi hai. Ek job wala person ya phir koi student bhi aasani se itna amount to spend kar hi sakta hai.

 

Aap Godaddy ya phir Namecheap se domain name buy kar sakte hai.

 

3. Seriousness for Blogging

 

Agar aap BlogSpot domain name hi use kar rahe hote hain to aapke readers yahi sochte hai ke aap blogging sirf shaukiya taur par kar rahe hai. Kyonki blogspot.com domain name ke blog ko jyadatar readers serious nahi lete hai.

 

Aap kitna bhi achcha content kyon na likh le. But custom domain aur ek achche template ke bina readers aapke blog ko professional blog nahi samjhte hai.

 

Readers ko yahi lagta hai jab aap apne ek blog ke liye thode se paise kharch nahi kar sakte to aap kahan serious honge apne blog ko lekar.

 

4. You can Create Custom Email Address

 

Custom domain ke dwara aap apne blog ya website ke liye professional custom email id bana sakte hai. Jaise mera domain name hai hindigyanhub.com aur mera custom email address hai [email protected]

 

Custom email address se aap apne blog ke contact form ko bhi control kar sakte hai.

 

Custom Domain Blogger Blog ke liye kyon itna jyada jaruri hai?

 

5. Branding

 

Custom domain name ko yaad rakhna bhut hi aasan hota hai. Isse aap apne blog ki branding bana sakte hai. Jaise ek achcha sa logo aur Favicon design karke readers ke mind me apne blog ki ek chaap chohd sakte hai.

 

6. Create Google Apps

 

Custom domain se aap apna blog ka Google app bana sakte hai aur verify kar sakte hai.

 

7. Blog Promotion

 

Blog promotion ka matlab social media promotion se lekar link building karne tak bhut saari cheeze ho sakti hai.

 

But jab credibility ki baat aati hai to Jyadatar top authority websites BlogSpot sub-domain ko link back karna pasand nahi karti hain.

 

Agar aap apne blog ke liye achcha link juice banana chahte hai to aapko BlogSpot custom domain ki jarurat hogi.

 

8. Social Media sites reliability

 

Jab aap apne blog ke liye yourblogname.blogspot.com subdomain ka use karte hai to jyadatar social sites user aapke blog par bharosa nahi karte hai. Because blogspot.com ek free platform hai jise bhut saare spammer ke dwara bhi use kiya jata hai. Jiski wajah se aapko social sites se kam se kam traffic mil pata hai.

 

Jab aap BlogSpot par custom domain ka use karte hai to log to aapke blog ko pasand karte hi hai sath hi social sites ki nazro me aapke blog/website ko achcha maana jaata hai.

 

Ye bhi padhe:-

 

Website banakar Affiliate marketing se paise kaise kamaye?

Google AdSense par account kaise banaye?

Apne brand ka Facebook page kaise create kare?

50+ Best Hindi Motivational Quotes jo Bure waqt me aapko hosla dengi

 

Custom Domain Blogger (BlogSpot) platform ke liye kahan se aur kaise Buy kare?

 

Agar aap domain name buy karna chah rahe hai. But ye decide nahi kar pa rahe ke kahan se le aur domain name lete time kya kya cheeze dhyan rakhe. To mera suggestion yahi rahega ke aap Godaddy se domain buy kare. Iski service bhut hi badhiya hai jyadatar bloggers Godaddy se hi domain buy karte hai.

 

Domain name register karte time first year ke liye aapko achcha discount bhi mil jata hai.

 

Ek achcha domain name select karne ke liye ye post padhe.

 

Ye bhi padhe:-

 

Quora kya hai or Kyon har ek insan ke liye jabardast platform hai

Youtube se video download kaise kare?

Paypal kya hai – kaise account banaye?

 

Conclusion

 

So, Friends umeed hai ki is post se aap samaj gaye honge ek blogger ke liye custom domain name kyon jaruri hai (Custom Domain Blogger Blog ke Liye kyon jaruri hai). Aane wali post me hum baat karenge custom domain name ko BlogSpot par setup kaise kare.

 

Aapka koi sawal ya sujhav hai to aap comment box me bata sakte hai. Latest post ke liye blog ko subscribe kar lijiye.

 

Agar post se aapki kuch help hui to comment karke jarur bataye. Aur social sites par share karna na bhoole.🙂

 

Nargis Praveen

Mai ek Blogger hu! Logo ki online help karne ke liye maine ye blog banaya hai. Jisse mai apna experience aur knowledge logo ke sath share kar saku aur aap bhi kuch naya seekh paaye.

2 thoughts on “Custom Domain Blogger Platform Ke Liye Kyon Jaruri Hai? (2020)”

Leave a Comment

Share via
Copy link