How to Delete Cookies on Chrome Browser in Hindi (2022)

How to Delete Cookies on Chrome Browser in Hindi – Hello Everyone, Agar aap Internet ka use karte hai to aapko Internet cookies ke baare me pata hona bhut jaruri hai.

Different websites dwara kisi bhi prakar ki information store karne ke liye aapke computer ki hard drive me small files daali jaati hai. Jinhe Cookies Kaha jata hai. Iske kuch fayde bhi hai aur nuksan bhi.

Waise to Cookies ka istemal User experience ko better banane ke liye kiya jaata hai. Jaise ki agar aap Amazon par koi product search karte hai to dusri website par jaane se Google AdSense ki ads bhi aapko usi tarah ki dikhai jaati hai. Aesa isliye hota hai kyonki aapke hard drive me jo cookies save hoti hai wo aapki activities ko track karti hai.

Ab aap iske nuksan ke baare me soch rahe honge. Basically, Cookies humari online activities ko track to karti hi hai. But isse humari private details ka bhi pata lagaya ja sakta hai jaise humari ID, passward details ya phir card details. Jo ki agar hackers ke haath lg jaati hai to hume bhut hi bada nuksan ho sakta hai.

Aap cookies ko time to time delete, clear karke apni personal information ko kisi hacker ke hath lagne se bacha sakte hai.

Chrome Browser Me Cookies Kaise Delete Kare?

How to Delete Cookies on Chrome
  • Save

Chrome cookies delete karne ke bhut se tarike hai. Nichey maine step by step sabhi tariko ke baare me bataya hai jisse aap aasani se chrome cookies clear kar sakte hai.

Clear Chrome Browser Cookies (4 Best Method)

Chrome Browser cookies delete karne ke kayi saare methods hain. Lekin humne yahan aapko best Method share kiye hain.

Use Keyboard shortcut (Keyboard Shortcut ka use Kare)

  • Step 1. Apne keyboard ki Control+Shift+Delete key ko ek sath press kare. Ab aapke samne ek window open hogi jo ki nichey screen shot me dikhayi gayi hai.
Clear Cookies in Chrome Browser
  • Save
  • Step 2. Ab jo pop up window aapke samne open hui hai. Wahan “Cookies and other site data” ke samne jo check box hai wahan click kare. Uske bad “Clear Data” button par click kare. Isi tarah jo baaki options diye gaye hai unhe bhi aap clear kar sakte hai. Drop down ki help se aap time bhi select kar sakte hai.

Cookies Clear Karne Ke Liye More Tools Option Use Kare

  • Step 1. Chrome browser open kare uske bad right hand side ke top corner par aapko 3 Dots (Bindu) dikhenge. Wahan click kare uske bad aapke samne Jo options aayenge. Usme se more tools ke uppar mouse ka cursor le jaaye. Left side me “Clear browsing data” ka jo option aayega uspar click karde.
How to Clear Cookies on Chrome
  • Save
  • Step 2. Uske baad aapko jo pehla tarika bataya gaya hai uske 2nd steps ko follow karke chrome cookies ko delete kar lijiye.

Chrome Cookies Delete Karne Ke Liye URL Option Ka Use Kare

Aap chahe to chrome cookies clear karne ke liye direct URL option ka bhi use kar sakte hai.

  • Step 1. Aapko chrome://settings/clearBrowserData URL ko copy karke new tab me paste karke enter press karna hai.
How to Delete Cookies in Chrome
  • Save
  • Step 2. Uske bad aapke samne “Clear browsing data” ki window show hogi. Ab “Cookies and other site data” ke samne check box par click karke uppar ke 2nd step ko follow karke cookies delete kar sakte hai.

Cookies Delete Karne Ke Liye Chrome settings Ka Use Kare

Chrome settings ka bhi use karke cookies ko clear kiya ja sakta hai.

  • Step 1. Google chrome browser ko open kare. Uske bad Right hand side ke top par 3 Dots (Bindu) par click kare. Aapke samne options ki list aajayegi usme se settings par click kare.
Delete Cookies Chrome Browser in Hindi
  • Save
  • Step 2. Jaise hi settings par click karenge aapke samne dusra page open hoga. Wahan top me search bar me aapko cookies type karke search karna hai.
Google Chrome me Cookies kaise delete kare?
  • Save
  • Step 3. Scroll down karne par aapko clear browsing data ka option dikhega. Us par click kare.
  • Step 4. Click karte hi ek pop up box open hoga. Wahan kuch options dikhenge jinke aage already check box par tick laga hoga. Aapko sirf “Cookies and other site data” par-tick karna hai.

Same window box me aapko top me drop down ka option dikhega. Jahan aap apne hisab se time range select kar sakte hai. Uske bad aap “Clear Data” button par click kare kuch seconds me aapki chrome cookies delete ho jayegi.

Cookies Ko Block Kaise Kare?

Agar aap kisi bhi website ki cookies ko delete karna chahte hai to uski puri authority aapke pas hoti hai. Agar aap Pop up cookie, Third party cookie ya phir Safe cookie ko block karna chahte hai to easily kar sakte hai.

Aap jo bhi browser use karte hai Chahe wo Google chrome, Mozilla ya phir Internet explorer ho aap uske settings option me jakar ya phir agar aap jis bhi website ki cookie ko block karna chahte hai uske HTTP ya Secure Lock par click karke direct cookies ko block kar sakte hai.

Cookies Delete karne ke liye Aap chahe to neeche di gayi video bhi dekh sakte hai.

Conclusion

In tariko ko follow karke aap apne Google chrome browser ki cookies ko clear kar sakte hai, Umeed karte hai is post se aapko samaj aagya hoga Chrome browser ki cookies ko kaise delete kare (How to delete cookies on Chrome Browser in Hindi), Chrome cookies delete karne ka tarika kya hai. Phir bhi agar aapka koi sawal ya sujhav hai to aap hume comment box me bata sakte hai.

Aage bhi hum Internet se jude aur bhi tips and tricks ke baare me post share karte rahenge. Latest updates ke liye is Blog ke Notifications ON kar lijiye. Aur is blog ko regular visit karte rahiye.

Ye post aapko informative laga to social sites par jarur share kijiye aur apne friends ko bhi Internet cookies ke baare me jankari dijiye.

Agar aap Mujhse YouTube par judna chahte hai to Neeche bane button par click karke Mera channel jarur SUBSCRIBE kare.

Swasth Rahe, Khush Rahe!!!

Ye bhi padhe:-

Nargis Praveen

Mai ek Blogger hu! Logo ki online help karne ke liye maine ye blog banaya hai. Jisse mai apna experience aur knowledge logo ke sath share kar saku aur aap bhi kuch naya seekh paaye.

Leave a Comment

Share via
Copy link
Powered by Social Snap