Paytm Debit/ATM Card Apply Kaise Kare? – Friends, Agar aap ek Paytm user hai to aapko pata hi hoga Paytm ne kaafi time pehle se ATM Card ki service apne users ko di hui hai.
Agar aap is baare me nahi jante ya phir aapko nahi pata Paytm Debit card apply karne ke liye kya karna hoga. To aap is post ko last tak padhe.
Humne is post me aapko step by step bataya hai Paytm physical debit card apply karne ke liye aapko kya karna hoga.
Paytm card apply karne ke liye aapka account Paytm payments bank me hona chahiye.
Tabhi aap Paytm ATM card ke liye online apply kar sakte hai. To sabse pehle agar aapne Paytm payments bank me account open nahi kiya hai to aap account open kar le.
Paytm account open karne ke liye aapki Paytm KYC complete honi chahiye. Agar ab tak aapne KYC complete nahi ki to Paytm KYC complete kare.
Saving account open karne ke bad aap aasani se apne Paytm App se Paytm physical debit card ke liye apply kar sakte hai.
Contents
PayTm Debit/ATM Card Apply Kaise Kare – (How Can I get Physical Paytm Debit Card)?
Paytm App se aap ghar baithe Paytm ATM Card ke liye apply kar sakte hai. Bus aapko neeche bataye gaye steps ko follow karna hai.
Paytm Kya hai aur account kaise banaye?
Step 1. Card Apply karne se pehle aap apne “Paytm App” ko update karle.
Step 2. Update karne ke bad aapko neeche bane “Bank” icon par click karna hai. Jaisa neeche screenshot me dikhaya gaya hai.
Step 3. Ab jo page open hoga wahan apna “Passcode” enter kare.
Note:- Agar Passcode bhool gaye hai to “Forgot Passcode” par click karke passcode recover karle.
Step 4. Passcode enter karte hi aapke samne new page open ho jayega. Yahan aapko “Digital Debit Card” wale option me bane card par click karna hai.
Step 5. Ab aapse ATM Card ke liye request add karne ke liye kaha jayega. “Request Your ATM Card” par click kare.
Step 6. Aapke samne phir se new page open hoga. Jahan aapko bataya jayega ATM card issue karne ke ₹125 Lagenge.
Aur address confirm karne ke liye kaha jayega. Jis bhi address par aap card order karwana chahte hai wo address aapko add karna hai.
Pehle se aapko aapka address show ho jayega. Agar wahi address hai to uske samne bane circle par click kare. Otherwise “Add New” par click karke naya address daale.
Paytm Card Apply Online
Step 7. Address sahi tarike se confirm karne ke bad “Proceed to Pay ₹125” par click kare.
Paytm debit card apply karne ke liye aapke Paytm bank saving account me ₹125 hona jaruri hai. Kyonki ye amount aapke Paytm Payments bank se hi katega.
Step 8. Jaise hi aap Proceed to pay par click karenge. Aapse delivery address confirm karne ke liye kaha jayega “Confirm address” par click kare.
Step 9. Ab aapke Paytm payment bank se ₹125 deduct ho jayenge aur aapka card successfully issue ho jayega.
Iski confirmation ke liye aapke registered mobile number par bhi message aayega.
Note:- Card Issue karne ki fees paytm kabhi bhi ghata ya badha sakta hai. Ye totally Paytm ke uppar depend karta hai.
Lijiye friends, Aapka Paytm physical debit card issue ho chuka hai😃.
Card ko aapke delivery address par aane me 1 week ka time lag sakte hai.
PayTm card aane ke baad usko Activate karne ke liye is post ko padhe:- How to activate Paytm Debit/ATM card
Ye bhi Padhe:-
Paytm wallet me paise kaise dale?
Affiliate marketing kya hai aur isse online paise kaise kamaye?
Paytm Debit/ATM Card se jude puche jaane wale sawal – Paytm ATM Card FAQ’s
Paytm card issue karne ke baad bhi humara kaam khatam nahi hota. Jab ATM card humare address par deliver ho jata hai. Uske bad hume us card ko bhi baaki cards ki tarah activate karna padta hai.
Q:- Paytm Debit card activate kaise kare?
A:- ATM card activate karne ke liye hume Paytm App ki jarurat padti hai. Sabse pehle Paytm App open kare. Uske bad Bank icon par click kare. Ab aapse phir se passcode enter karne ke liye kaha jayega.
Passcode enter karne ke bad aapke samne new page open hoga wahan scroll down karke “Digital Debit Card” wale option me bane ATM card par click kare.
Ab aapke samne “Activate your card” ka option aayega. Us par click kare. Ab Debit card ke backside me bane QR code ko scan karke details verify kare.
Is tarah aapka Paytm ATM card activate ho jayega. Ab aap apna ATM PIN set kar sakte hai.
Q. Paytm Debit Card se per day kitne cash withdraw kar sakte hai?
A. Per Day 50,000 ka cash nikal sakte hai.
Q. Paytm ATM card se transaction karte time koi charge lagta hai?
A. Per day 3 transactions free hoti hai. Uske bad aap Paytm debit card se cash nikalte hai to uspar ₹20 per transaction lagta hai. Aur Mini statement, Balance check karne ke ₹8 per transaction.
Q. Paytm Debit card ko international transactions ke liye use kiya ja sakta hai?
A. Nahi, Paytm ATM card ka use sirf Indian merchants ke liye kiya ja sakta hai.
Q. Kya hum Paytm Debit Card ka use Paytm wallet ke transactions ke liye bhi kar sakte hai?
A. Nahi, Paytm ATM card sirf Paytm payments bank ki transactions ke liye hai.
Ye bhi Padhe:-
Online Aadhar card kaise download kare?
Aadhar card status kaise check kare?
Google kya hai – Janiye pura sach
Instagram account kaise banaye?
Conclusion
Friends, Aasha karte hai Paytm Debit/ATM Card apply kaise kare (How can I get physical Paytm debit card) aapko ache se samajh aagaya hoga.
Phir bhi post se juda aapka koi bhi sawal hai ya aap kuch puchna chahte hai to hume comment karke jarur bataye.
Is blog par hum aesi jankari share karte rehte hai. Latest updates ke liye blog ko subscribe karna na bhoole.
Post pasand aaya ya aapki isse kuch help hui to ise social networking sites par share karke apna pyar ❤️ aur support jarur de.
That’s good sister
Thanks keep visiting.