Domain Meaning in Hindi | Domain Name Kya Hai (2024)

Hello Dosto, Aaj hum baat karenge Domain ke baare me Domain Name Kya Hai (What is Domain Meaning in Hindi) Domain ki zarurat kyon hoti hai aur domain name kaise kharide.

Internet world me website ki pehchan karne ke liye usko ek domain name diya jata hai. Jisse koi bhi insaan website aasani se dhund paaye. Jaise ki phone ki pehchan uske number se hoti hai aur ek insan ki pehchan uske Id card se. Usi prakar ek website ki pehchan uske domain name se hoti hai. Har website ka domain name unique hota hai.

Domain Meaning in Hindi (Domain Name Kya Hai)?

Domain meaning in Hindi

Jo log internet ke baare me knowledge rakhte hai wo jante hi honge domain kya hota hai. But aaj hum Domain name meaning in Hindi (Domain name hai) ke sath aapko batayenge domain kitne prakar ke hote hai aur website aur domain name ka kya relation hai.

Domain name ya phir DNS (Domain Name Server) ek aesa system hai jisse hum internet par kisi bhi website ki pehchan kar sakte hai. Jitni bhi website internet par run kar rahi hai sabhi kisi na kisi IP address se judi hui hai. IP address means (Internet Protocol Address).

Yeh ek number hota hai jo browser (Chorme, Mozilla) ko batata hai jo website aap search kar rahe hai wo kahan available hai.

Agar hum logo ki baat ki jaaye to humara nature aesa ho chuka hai ke hum logo ke liye kisi ka mobile number tak yaad karna aasan nahi hai. But agar hum us number ko phone book me kisi naam se save kar dete hai to hum use aasani se dhund sakte hai. Usi tarah internet par sabhi websites ke IP address ko yaad rakhna na-mumkin hai.

Ise aasan banane ke liye websites ko domain name diye gaye hai jisse hum log aasani se websites ka naam dhyan rakh sakte hai.

DNS Kaise Kaam karta Hai (How DNS works)?

How DNS Works

Image Credit Pixelprivacy

Ek example se samjahte hai:-

Agar Aap is IP address 31.13.75.36 ko apne internet browser me search karte hai to Facebook open hoga aur agar aap direct Facebook.com search karte hai to bhi Facebook open hoga. But is number ko yaad karna aasan nahi hai. lekin facebook name aapko aasani se yaad rehta hai. To ab aap samaj hi gaye hongee ek website ke liye domain name kitna zaruri hai.

Domain name ki help se hum ek ya usse jyada IP address ko dhund sakte hai.

Domain Kitne Prakar Ke Hote Hai (Types of Domain Name in Hindi)

Uppar aap Domain kya hai in Hindi samaj hi gaye honge. Ab baat karte hai domain kitne prakar ke hote hai. Waise to domain name bhut prakar ke hote hai. But maine yahan jo important domain name hai unke baare me baat ki hai. Jisse jab bhi aap domain name purchase kare to aap aasani se choose kar sake.

1. Top Level Domain (TLD)

Top Level Domain aese domain hai jinhe log jyada achcha maante hai. Kyonki jitni bhi badi companies hai woh .com extension ka hi jyada istemal karti hai jaise Facebook.com, Apple.com, Google.com ya phir Twitter.com. Top Level Domain Dot ke bad ka hissa hota hai.

For Example

Facebook Domain name hai aur .com ek extension hai is website ke liye. Jise common name bhi kaha jata hai jo sabhi websites ke sath use hota hai.

Facebook:- Domain Name
.com:- Extension

Type of TLD Extension:-

.com (commercial)
.net (network)
.gov (government)
.edu (education)
.org (organization)
.biz (business)
.name (name)
.info (information)

2. ccTLD Country Code Top Level Domains

Ye domain woh hote hai jinhe kisi particular country ke liye use kiya jata hai. Nichey kuch examples diye hai.

.in (India)
.pk (Pakistan)
.cn (China)
.br (Brazil)
.us (United States)
.sa (Saudi Arabia)

ICANN (Internet Corporation for Assigned Names and Numbers) ek aesi sanstha hai jo duniya bhar ke domain ko manage karti hai. Agar aap bhi apne blog ya website ke liye custom domain name lene ke baare me soch rahe hai. To aap kisi ICANN certified Domain registrar company se domain name register kar sakte hai.

Subdomain Name Kya Hai?

Domain meaning in Hindi aur Types of Domain name aap samajh hi gaye honge. Chaliye jante hai Subdomain kya hai. Subdomain aapke custom domain ka hi part hota hai. Iske liye aapko koi charges nhi dene hote. Jab aap custom domain khareed lete hai to iske bad aap apna subdomain name setup kar sakte hai.

Example ke taur par:-

hindiblogginghub.com humara main domain name hai. Ise hum information.hindiblogginghub.com ya phir internet.hindiblogginghub.com me bhi divide kar sakte hai. Ye aapke uppar hai aap kis name se set karna chahte hai.

Aap chahe to Hindi extension me bhi domain name khareed sakte hai jaise .भारत

Popular Domain Name Providers

Aap bhi koi website ya blog banana chahte hai ya banane ke baare me soch rahe hai to aap bhi direct domain name registrar company se domain name buy kar sakte hai. Maine niche kuch popular domain name providers ki list di hai.

Best Domain Name Kaise Khareede
  1. Domain name hamesha apni company name ya brand ke name se hi select kare.
  2. Jitna short domain name hoga utna hi jyada yaad rakhne me aasani hogi.
  3. Domain name select karte time Hypen, Numbers ko avoid kare.
  4. Kisi brand se milta julta domain name ko buy na kare.
  5. Hamesha TLD domain name lene ka try kare.
Domain Name Aur URL Dono Different Kaise Hote Hai

Domain name URL ka ek part hota hai Domain name kisi website ke name ko show karta hai jabke URL se hum kisi specific page aur folder ka pata laga sakte hai.

Example:-

Jo Red color me hai wo domain name hai aur pura Link URL kehlata hai.

Domain Name:- hindiblogginghub.com

URL:- https://hindiblogginghub.com/wordpress-meaning-in-hindi/

Conclusion

Umeed hai aapko Domain meaning in Hindi, Domain name kya hai, Domain ka matlab kya hota hai, Domain name in Hindi samaj aagya hoga aur aapko pata lag hi gaya hoga TLD (Top Level Domain) kaise buy kar sakte hai. Phir bhi aapka koi sawal hai to aap comment box me puch sakte hai.

Aage bhi hum Domain se related aur bhi jankari share karte rahenge. Latest Update ke liye is Blog ke Notification ko ON kar lijiye aur blog ko regular visit karte rahiye.

Agar aap humse YouTube par judna chahte hai to Neeche bane button par click karke humare channel ko SUBSCRIBE jarur kare.

Ye post aapko pasand aaya ya phir isse aapko kuch information mili to ise social site par share kijiye. Aur aese hi support karte rahiye.

Swasth Rahe, Khush Rahe!!!

Ye bhi padhe (Related Articles):-

Nargis Praveen

Mai ek Blogger hu! Logo ki online help karne ke liye maine ye blog banaya hai. Jisse mai apna experience aur knowledge logo ke sath share kar saku aur aap bhi kuch naya seekh paaye.

4 thoughts on “Domain Meaning in Hindi | Domain Name Kya Hai (2024)”

  1. Hi.
    Ji mai bhi blogger bnana chahti hu hindi me but jada knowledge na hone k wajah se ni start kar pa rhi. Plzz help me ..

    Reply

Leave a Comment