WordPress VS BlogSpot in Hindi – Konsa Better hai aur Kyon? (2020)

Jab bhi blogging start karne ke liye best platform choose karne ki baat aati hai to jyadatar bloggers ke man me ek hi sawal aata hai blogging ke liye konsa platform better hai WordPress vs BlogSpot?

 

Waise to blogging ke liye bhut se platform available hai. Jahan aap apna blog create kar sakte hai. Jaise ki Blogger (BlogSpot), WordPress, Tumblr, Weebly, Wix etc. But agar baat ki jaaye famous platform ki to inme se Blogger aur WordPress sabse jyada popular hai.

 

Kyonki Blogger ko log easy platform ke taur par pasand karte hai Aur WordPress ko iske jyada features aur power ke liye pasand kiya jata hai.

 

WordPress vs BlogSpot- Konsa Best hai Blogging start karne ke liye?

 

WordPress vs BlogSpot
  • Save

 

Maine aapko yahan dono hi platform BlogSpot aur WordPress self-hosted (Jise aap khud ki hosting service leke host karte hai) ke features ke baare me bataya hai. Dono ke features dekhne ke baad aap ye aasani se decide kar payenge aapke liye konsa platform jyada suitable hai.

 

Ye bhi padhe:-

 

WordPress Kya hai aur Blogging ke Liye best platform kyon hai

Free Blog banane ke liye best Platform Blogger.com

Domain kya hai aur Website ke liye kyon zaruri hai

Ek achi web hosting website/blog ke liye kyon jaruri hai – Hosting kitne types ki hoti hai?

 

Blogger Kya hai Aur iske Features Kya hai:-

 

Jaisa ki aap sab jante hai, Blogger Google ka ek free tool hai. Jahan aap free me apna blog bana sakte hai woh bhi kuch hi minutes me. Blogger (BlogSpot) unlogo ke liye bhut hi achcha platform hai jo log koi bhi kharcha kiye bina blog banana chahte hai. Chaliye Blogger ki kuch specialties ke baare me jaante hai.

 

Free platform:-

 

Blogger par aap koi bhi paisa invest kiye bina blog bana sakte hai. Yahan aapko sub-domain, hosting ya phir kisi bhi prakar ki koi registration fees nahi deni padti.

 

Easy to use:-

 

Isko use karna bhut hi jyada simple hai, agar aapko technical knowledge nahi bhi hai to aap ispar aasani se blog bana kar use kar sakte hai.

 

Domain Name:-

 

Jab aap yahan blog banate hai to aap bina kisi domain ke apna sub-domain create kar sakte hai. Aur bad me jab bhi aap koi domain name purchase karte hai to use blogger se link kar sakte hai.

 

Free Google Hosting:-

 

Blogger ka sabse bada benefit yahi hai ke yahan aapko koi hosting kharidne ki jarurat nahi padti. Google ka product hone ki wajah se Google ke server par hi aapko hosting milti hai. Jahan agar traffic adhik matra me bhi aata hai to aapko uski tension lene ki jarurat nahi hai.

 

What is Blogger features?

 

Free Templates & Customization:-

 

Blogger par aapko bhut saare free templates milte hai jinhe aap apni jarurat ke hisab se use kar sakte hai. Aur agar koi changes karna chahte hai to CSS ke bina aap template ko customize bhi kar sakte hai.

 

Security:-

 

Jaise ki maine aapko uppar btaya Blogger Google ka product hai. Aur Google world ka sabse bada search engine hai. To aap andaza laga hi sakte hai uski security kitni jyada powerful hogi. Isliye Blogger par aapko security ko lekar koi problem nahi hoti hai.

 

Uppar humne baat ki Blogger ke advantages ki, Ab hum baat karenge Blogger aur WordPress me difference kya hai. Jisse aapko best platform chunne me aasani hogi.

 

Blogger par aapka jitna bhi data hota hai wo sabhi Google ke server par host hota hai. Jiski wajah se database aur files par aapka koi control nahi hota.

 

Jabke WordPress self hosted blog ko aap apni marji ke hisab se kisi bhi server par host kar sakte hai. Jiske database aur files ka pura control aapke hath me rehta hai.

 

Blogger platform features

 

Hosting:-

 

Blogger par aapko hosting lene ki koi jhanjat nahi hoti hai jisse aapko hosting ke liye koi kharcha nahi karna padta. But WordPress me aapko ek achchi hosting service provider company se hosting leni padti hai jiske yearly kuch charges pay karne hote hai. Lekin agar aap WordPress.com par blog banate hai to wahan aapko koi hosting lene ki jarurat nahi padti woh bilkul free hoti hai.

 

WordPress.com me aapko bhut si limitations hoti hai. Aur wahan aapko plugins ki bhi facility nahi milti hai.

 

Look:-

 

Blogger me aapko bhut se template aur layout ke options milte hai. But Aap WordPress ki tarah ise professional look nahi de sakte hai. Kyonki WordPress me aapko blogger ke comparison me hajaro free & paid themes milti hai jo aapke blog ko ek professional look deti hai.

 

Difficulty:-

 

Blogger me blog banana bhut hi aasan kam hai. kuch hi minutes me aap blog bana sakte hai aur iske liye aapko koi technical jankari hona bhi jaruri nahi hai. Jabke WordPress me blog banane ke liye aapko hosting ki knowledge honi chahiye.

 

BlogSpot Free platform

 

Flexibility:-

 

Blogger ko aap WordPress ke comparison me jyada flexible ya customize nahi kar sakte. Jabke WordPress me aap jaise chahe waise website/blog bana sakte hai. Yahan plugins ki bharmar hai jinki help se aap apne blog me bhut kuch kar sakte hai.

 

Support:-

 

WordPress ke comparison me blogger me aapko bhut kam support milta hai.

 

Ye bhi padhe:-

 

Blogging kya hai | Blogging se paise kaise kamaye

Freelancing kya hai aur isse se paise kaise kamaye?

Google AdSense par account kaise banaye?

Interview with Successful Blogger Mangesh Kumar Bhardwaj

 

WordPress VS Blogger me Difference kya hai?

 

Difference between WordPress & BlogSpot
  • Save

 

Ownership:-

 

Google ka product hone ki wajah se blogger ka sara data Google ke server par store rehta hai. Jiska access bus Google ke pas hi hota hai. Aap Google account ke dwara sirf blog ko Login kar sakte hai.

 

Google ka access hone ki wajah se ye jab chahe aapka account delete kar sakta hai. Aur aap iske liye koi objection nahi kar sakte hai.

 

WordPress self-hosted me Aap kisi bhi achchi hosting company se hosting lekar WordPress ko usme install karte hai. Aur iska pura access aapke pas rehta hai. Aap jaise chahe waise apne data ko manage kar sakte hai.

 

Jab aapka man kare blog start kar sakte hai aur close kar sakte hai. Future me hosting migrate karna chahe to woh bhi easily kar sakte hai.

 

Security:-

 

Jaise ki humne pehle bhi baat ki Google ka product hone ki wajah se Blogger bhut hi jyada secure hai. Yahan Hacking bhut hi jyada mushkil hai. Aapka traffic kahin se bhi aata ho ye easily usey manage kar leta hai. Aur iske chalte aapka blog slow down nahi hota hai.

 

Aesa nahi hai ke WordPress secure nahi hai. Ye bhi aapko bhut hi achchi protection deta hai. But aapko iski security ke liye dhyan rakhna padta hai. Bhut saare plugins aapko mil jayenge jo aapki website ko hack hone se bachate hai.

 

Aur agar aap achchi hosting use karte hai to ye aarahe traffic ko achche se sambhal lega. But agar aap limited resource wali hosting use karte hai to aapko dikkat ho sakti hai.

 

WordPress Vs BlogSpot

 

Control:-

 

Blogger me aapko blog manage karne ke liye kuch tools milte hai. Jisse aap pure blog ko manage kar sakte hai. But agar aap koi extra feature usme add karna chahenge to aap nahi kar sakte. Jitne options aapko mile honge unke dwara hi aapko blog ko manage karna hai.

 

Jabke WordPress.org me aesa bilkul nahi hai. Aap jaise chahe waise blog/website bana sakte hai. WordPress open source platform hai jahan aap apne man mutabik blog design kar sakte hai. Aapko bhut saare plugins ki suvidha milti hai. Jinki help se aap apne blog ko behterin bana sakte hai.

 

Migration:-

 

Blogger par aapko data transfer karne ki facility milti hai. But aapko kafi problems ka samna karna padta hai. Data transfer karne ke bad blog ke SEO par bad effect to padta hi hai sath hi usko manage karna bhi aasan nahi hota. Jisse aapka kiya hua hard work bhi kharab ho sakta hai.

 

WordPress me aapko koi problem face nahi karni padti chahe aap domain, hosting ya phir platform hi kyon na change karna chahe. Yahan aap aasani se saari cheeze handle ka sakte hai. Is mamle me WordPress Blogger se jyada beneficial hai.

 

Blogger Vs WordPress

 

Appearance (Look):-

 

Blogger me aapko selected template milte hai. Jinka use karke hi aap apne blog ke design ko change kar sakte hai. But unka look itna achcha nahi hota jo ki ek profession blog ka hota hai. Agar aap kisi non-official websites se jo ki kisi premium theme ka free version deti hai wahan se download karte hai to woh aapko bhut hi low quality ki theme milti hai.

 

Jabke WordPress me aapko hajaro free themes mil jayengi woh bhi high quality ki jo aapke blog ko ek professional look dengi. Aap jaise chahe apni website ka layout bana sakte hai. WordPress themes me changes karna blogger se kahin jyada aasan hai.

 

Updates:-

 

Blogger apne koi updates nahi lata aur na hi koi naya feature add karta hai. Kuch saalo se Google ne blogger me koi bhi changes nahi kiye hai. Aur pichle kuch saalo me Google apne bhut se products close kar chuka hai. To iski koi surity nahi hai ke woh blogger ko kab tak continue rakhega.

 

Jabke WordPress open source software hai. Ye saal me kayi baar updates lata hai. Aap blog ko apne hisab se modify karke improve kar sakte hai.

 

WordPress Vs BlogSpot Which is Best?

 

SEO – Search Engine Optimization

 

Aaj ke time me kisi bhi blog/website ke liye SEO bhut hi jyada jaruri hai. Iski help se aapki website/blog ka traffic increase hota hai. Aur search engine me rank hone me aasani hoti hai. Blogger SEO ke mamle ke thoda piche hai.

 

Jabke WordPress me aapko aese bhut saare free aur paid plugins mil jaate hai. Jinki help se aap apne blog ka SEO improve kar sakte hai. WordPress vs BlogSpot (Blogger) me dekha jaaye to WordPress.org jyada better hai.

 

Charges:-

 

Free platform hone ki wajah se jyadatar beginners blogger par hi blog start karna prefer karte hai. Kyonki iske liye aapko koi charges pay nhi karne hote.

 

Dusri taraf wordpress.com bhi free platform hai but kuch limitations hone ki wajah se log yahan site banana kam pasand karte hai.

 

Ye bhi padhe:-

 

Affiliate marketing kya hai aur isse paise kaise kamaye ja sakte hai?

Quora kya hai aur ek blogger ke liye kyon fayde mand hai?

Blogger platform ke liye custom domain name kyon jaruri hai

17 Best plugins WordPress blog ke liye

 

WordPress.com vs WordPress.org:-

 

Agar aap WordPress blogging se paisa kamana chahte hai to aapko wordpress.com and wordpress.org me difference pata hona bhut jaruri hai. To chaliye jante hai dono me kya antar hai aur konsa jyada behter hai.

 

1. WordPress.org ek self hosted platform hai yahan aapko hosting buy karni padti hai. WordPress.com ek free platform hai yahan aapko koi charges nahi dene hote.

 

2. Aap wordpress.org me blog/website ke liye plugins ka use kar sakte hai. Jabke wordpress.com me aapko plugins install karne ki facility nahi milti hai.

 

3. Org par Aap jitni marji theme upload karke customize kar sakte hai. But wordpress.com par aapko jo theme pehle se available hai usi ka use karna padta hai. Theme me aap basic changes hi kar sakte hai.

 

4. WordPress.org me paisa kamane ke liye aap Google AdSense ka use kar sakte hai. But wordpress.com Ads ko allow nahi karta aap yahan AdSense ka use nahi kar sakte.

 

Maine aapko yahan wordpress.org and wordpress.com ke beech ka antar bataya hai. WordPress.org vs WordPress.com kya hai? Ek blog ke zariye paise kamaye ja sakte hai. Aur kahan se free hosting le sakte hai.

 

Aakhiri me hum compare karenge Blogger (BlogSpot) kyon aur kyon nahi? Aur 2. WordPress kyon aur kyon nai?

 

 

1. Blogger (BlogSpot) – Kyon aur kyon nahi?

 

Agar aap apne thoughts share karna chahte hai ya phir bus hobby ke liye blog banana chahte hai to Blogger or BlogSpot bhut badhiya platform hai.

 

Agar aap bina kisi investment ke blog banana chahte hai aur usse paise kamane ka aapka koi irada nahi hai to blogger best choice hai.

 

But agar aap paisa kamana chahte hai ya phir popular hone ke liye blog banana chahte hai to BlogSpot ek achchi choice nahi hai.

 

Kyonki blogger me SEO ke liye bhut si limitations hoti hai. Aur isme aap limited features hi add kar sakte hai.

 

2. WordPress – Kyon aur kyon nahi?

 

WordPress par aapka pura control hota hai. Aap jaise chahe waise apna blog/website bana sakte hai. Hajaro theme use karne ka option aapke pas hota hai. Jise aap apne hisab se customize bhi kar sakte hai.

 

SEO ke liye aapko plugins bhi milte hai. Jinki helps se aap apne blog ka SEO improve kar sakte hai. Aur blog ko SEO friendly bana sakte hai.

 

Agar aap paisa kamane ke liye ya phir fame aur branding ke liye blog banana chahte hai to WordPress.org best choice hai.

 

Ye bhi padhe:-

 

Youtube se video download kaise kare?

Paypal par account kaise banaye?

Apne Brand ka Facebook page kaise banaye?

Instagram par new account kaise banaye?

 

Conclusion

 

Agar aap thoda paisa invest karne ke liye ready hai to WordPress platform aapke liye sabse achcha hai. But agar aap staring me koi paisa kharch nahi karna chahte aur blogging sikhna chahte hai to aap blogger se hi start kare. Maine bhi starting me blogger par hi sabse pehla blog banakar blogging career ki starting ki hai.

 

So, Friends umeed karte hai aapko WordPress vs BlogSpot (WordPress vs Blogger) me difference samaj aagya hoga. Aur ab aap easily choose kar payenge aapke liye konsa behter rahega.

 

Phir bhi aapka koi sawal hai to aap comment box ke dwara puch sakte hai.

 

Agar aap humse YouTube par judna chahte hai to 👇 Neeche bane button par click karke humare channel ko SUBSCRIBE jarur kare.

 

Visit YouTube Channel

 

Post pasand aaya to Social sites par share jarura kare. Aur apne dosto ko bhi best blogging platform chunne me help kare👍.

 

Swasth Rahe, Khush Rahe!!!

 

Nargis Praveen

Mai ek Blogger hu! Logo ki online help karne ke liye maine ye blog banaya hai. Jisse mai apna experience aur knowledge logo ke sath share kar saku aur aap bhi kuch naya seekh paaye.

7 thoughts on “WordPress VS BlogSpot in Hindi – Konsa Better hai aur Kyon? (2020)”

  1. Maine worpdress aur blogger dono use kiya ha but mere hisaab se wordpress zyada accha ha because wahan par dhair sare options mil jaate hain customization ha jabki Blogger me hum bilkul bandhkar reh jaate hain. Is liye main to wordpress hi use karta hoon.

    Reply
  2. जो लोग स्मार्टफोन से ब्लॉगिंग करते है उनके लिए wordpress बेस्ट है। मैं भी अपने स्मार्टफोन से ही ब्लॉगिंग करता हूं।

    Reply

Leave a Comment

Share via
Copy link