Computer Kaise Chalate Hai? – (Computer Basics In Hindi)

Computer kaise chalate hai? – Jo log bachpan me computer nahi sikh paate bad me unhe bhut si preshaniyo ka samna karna padta hai.

 

Aaj ki date me computer ka itna jyada istemal hone laga hai ke aapko computer aana hi chahiye.

 

School ya college ke bad kisi Job interview par bhi aapse yahi sawal kiya jata hai. Aapko basic computer to aata hi hoga?

 

Aese me agar jisko computer chalana nahi aata to uske armaano par to pani fir hi jata hai sath me wo insan demotivate hone lagta hai.

 

Same problem mere sath bhi thi mere school me computers to the. But mujhe unhe chalane me ghabrahat hoti thi ke kahin ye khrab ho gaya to teacher mujhe daantegi. Aur sab mujh par hasenge.

 

Isi dar ki wajah se maine kabhi computer ko khud se nahi chalaya. Teacher ne kisi ke sath baitha diya chalane ke liye to chala liya warna kabhi hath nahi lagaya.

 

Lekin After school computer na aana mere liye ek bhut badi problem ban gaya. Jahan bhi Job interview ke liye jao sabka yahi sawal aapko basic computer to aata hi hoga.

 

Usdin ke baad maine sabse pehle computer sikha apne dar ko hataya. Aaj ye post likhne ka matlab bhi yahi hai ke meri jaisi pareshani ka samna dusre logo ko na karna pade.

 

Is post me hum Baat karenge Computer Kya hai, Computer kaise chalaye, aur Computer basics kya hai. To Chaliye aage iske baare me detail me jante hai.

 

Google Kya hai – Janiye pura sach

Gmail id kaise banaye?

 

Computer Kaise Chalate Hai?

 

Computer Kaise Chalate Hai?
  • Save

 

Computer sikhne se pehle aapka ye janna jaruri hai Computer kya hai, Iske kitne parts hote hai aur un sabhi parts ka kya kaam hota hai.

 

To chaliye sabse pehle jante hai Computer kya hai.

 

Computer Kya Hai in Hindi – (What is Computer in Hindi)?

 

Computer ek electronic machine hai. Jo ki ek sath kayi problems ko solve kar sakti hai. Insaan ki tulna me ye bhut hi teji se ginti kar sakti hai.

 

Computer shabd Latin bhasha ke “Compute” word se bana hai. Jiska matlab hota hai Calculation ya phir Hindi me baat kare to गिनती karna.

 

Ek programmable machine hone ki wajah se ye raw data ko input ke roop me accept karta hai. Output dene ke liye use jo bhi instructions diye jaate hai uske anusaar processing karta hai.

 

Waise to computer ki koi fix paribhasha nahi hai. Kyonki computer ki value sabki najar me alag alag hai.

 

Ek Content writer ke liye computer ek typing machine hai. Movie ya song sunne wale insan ke liye ye TV ke roop me kaam karta hai. Aur ek Game khelne wale insan ke liye computer ek gaming machine hai.

 

Isliye computer ko kisi single paribhasha se joda nahi ja sakta.

 

Computer ka full form kya hai (What is full form of Computer)

 

C – Common
O – Operating
M – Machine
P – Purposely
U – Used for
T – Technological And
E – Educational
R – Research

 

Ye bhi padhe:-

 

Gmail account ka phone number kaise badle

Gmail account password reset karne ka best tarika

Extra Gmail id kaise delete kare

Delete hue Gmail account ko kaise recover kare?

 

Computer ke Main Parts Konse hai? (Main Parts of Computer)

 

Computer ke parts 2 tarike ke hote hai.

 

1. Inner parts (Software)
2. Outer Parts (Hardware)

 

Inner parts (Software):-

 

Inner parts computer ke andar wale hisse me hote hai. Jine hum touch nahi kar sakte lekin computer me chala sakte hai. Example:- System software, Application software. 

 

Outer Parts (Hardware):-

 

Ye parts computer ke bahar wale hisse me hote hai. Inka use computer me data input karne ke liye kiya jata hai. Example:- Keyboard, Mouse, Microphone, Camera, printer, Monitor, Hard disk etc.

 

Parts of Computer:-

 

1. Motherboard:-

 

Ye CPU ka sabse jaruri hissa hai. Jiske bina hum apne CPU me memory aur processor nahi jod sakte.

 

Motherboard ko circuit board bhi kaha jata hai. Kyonki isse humare computer ke sabhi parts jude hote hai.

 

Motherboard
  • Save

 

2. CPU:-

 

Ye computer ka sabse jyada important part hota hai. CPU (Central Processing Unit) ko computer ka dimag bhi kaha jata hai.

 

Iske bina aap computer nahi chala sakte. Kyonki computer ke sabhi wires (Taar) isse connect hote hai. Aap jo bhi work karte hai wo sara data aapke CPU me hi save hota hai.

 

3. RAM:-

 

RAM (RANDOM ACCESS MEMORY) ye motherboard me use hone wali ek chip hoti hai. Jo ki ek memory ki tarah kaam karti hai.

 

Jaise hum phone lete time RAM ka khas taur par dhyan rakhte hai. Same usi tarah ye computer me bhi use hoti hai.

 

Hum jitni bhi applications apne computer me use karte hai ye un sabko apne andar store rakhti hai. Iski help se hum computer par jo bhi kaam karte hai usey save karne ke bad hume wo waise hi milta hai jaise humne chohda hota hai.

 

4. Moniter:-

 

Ise Computer ki screen bhi kaha jata hai. Ye ek TV ki tarah hota hai. Jiska use hum screen pe aarahe drishya ko dekhne ke liye karte hai. Ye computer ka ek jaruri part hai.

 

5. Keyboard:-

 

Iska use computer me typing ke liye kiya jata hai. Iske bina aap computer chala to sakte hai. Lekin typing ya phir computer ko operate karte time kaafi dikkato ka samna karna padta hai.

 

Keyboard
  • Save

 

6. Mouse:-

 

Iska naam mouse isliye pada kyonki ye ek RAT ki tarah hi dikhta hai. Iska use cursor ko move karne ke liye kiya jata hai. Mouse ke bina hum computer chala sakte hai. Lekin ustime humare pas keyboard hona chahiye.

 

Mouse
  • Save

 

7. UPS:-

 

Ise computer ka inverter bhi kaha jata hai. Basically, Ye ek electric power ki tarah kaam karta hai. Jaise bijli jane par hum inverter ka use karte hai.

 

Same usi tarah bijli jaane par UPS kaam karta hai. Iski help se hum apne computer work ko save kar sakte hai. Ye ek electricity power backup hai jiska istemal electricity jaane par kiya jata hai.

 

Iske bina hum computer chala sakte hai. Lekin sirf electricity hone par.

 

8. Printer:-

 

Printer ka use hum apne documents ko print karte time karte hai. Kisi bhi document ko print karne ke liye computer dwara command di jati hai.

 

Print karne ke liye press kare:- (CTRL+P)

 

Printer
  • Save

 

9. Scanner:-

 

Iska use jyadatar offices ya phir cyber cafe me kiya jata hai. Scanner ki help se aap kisi bhi document ko scan karke uska print nikal sakte hai.

 

Computer Kaise Kaam Karta Hai?

 

Aap ye to samajh gaye computer kya hai. Lekin aapka ye bhi janna jaruri hai computer kaam kaise karta hai. Iska kaam karne ka tarika bhut hi simple hai.

 

Neeche humne ek image ke jariye samjhaya hai.

 

Computer Process
  • Save

 

Input:- Ye is process ka sabse pehla kaam hota hai. Jisme input device (Mouse, Keyboard, Scanner) ki help se computer me raw information daali jaati hai. Ye information Letters, Numbers kisi me bhi tarah ki ho sakti hai.

 

Processing:- Ye computer system ka internal process hota hai. Jisme di gayi instructions ke hisab se software (CPU or Processor) ki help se data ko process kiya jata hai.

 

Output:- Ye final step hota hai jisme computer aapke dwara input kiya gaye raw data ko process karke aapke samne uska Result yani ke output rakhta hai. Is data ko future use ke liye hum storage device me save karke bhi rakh sakte hai.

 

Ye bhi padhe:-

 

Facebook account kaise banaye?

Instagram account kaise create kare?

Computer/Mobile se Email kaise bheje

 

Computer Chalana Kaise Sikhe – (Computer basics in Hindi)

 

Computer ko Switch on/Switch off karna bhut hi aasan hota hai. Neeche humne aapko kuch steps bataye hai. Jinhe follow karke aap aasani se apna computer on/off kar sakte hai.

 

Computer Turn on kaise kare – (How to turn on a computer)?

 

1. Find ON button

 

Computer ko chalane ke liye sabse pehla kaam hai aap ise “ON” kare. ON Button gol aakar me ho sakta hai ya phir kisi dusri shape me. Ye button aapko CPU me milega.

 

2. Press Button

 

ON button dhundne ke bad usko press kare. Bhut se computers me button ko on karte hi light jalti hai. 

 

Agar aapka computer on nahi hota to ek baar check jarur karle computer plugged in to hai. Ya phir aapne Monitor ka button dabaya hai ya nhi. 

 

3. Log In

 

Computer on hone ke bad aap Username aur Password ki help se login karke apna computer use kar sakte hai.

 

Computer Turn off/Shut down kaise kare?

 

System Shut down karne ke liye humne neeche 2 method bataye hai.

 

Shut down karne pehle aapne jo bhi work kiya hoga use save karle. Uske bad jo bhi programs ya operating system open hai use puri tarah exit karde.

 

Method 1.

 

  • Computer shut down karne ke liye apne keyboard me “Window key” press kare.
  • Uske bad power ke button par click kare.
  • Ab aapke samne 3 options aayenge usme se “Shut Down” button par click kare.
  • Ab aapka system khud shut down ho jayega.

 

Method 2.

 

Apne computer me Alt+F4 ek sath press kare. Uske bad aapke samne ek window open hogi wahan “Shut down” select karke ok par click karde. System turn off ho jayega.

 

Ye bhi padhe:-

 

Google history kaise delete kare?

Google drive kya hai aur kaise use kare?

Chrome cookies kaise delete kare?

Facebook account deactivate ya delete kaise kare?

 

Computer Chalana Sikhe – (Computer course in Hindi)

 

Agar aap khud se computer chalana sikhna chahte hai to aapke pas duniya bhar ke options hai. Jinke dwara aap aasani se Computer chalana sikh sakte hai.

 

Unhi tariko me se maine neeche sabse jyada use hone wale tariko ke baare me bataya hai.

 

1. Youtube se Computer chalana sikhe

 

Ji haan, Aapne bilkul theek suna Youtube se aap computer seekh sakte hai wo bhi ghar baithe. Aaj ki date me Youtube par aapko aesi hazaro videos mil jayengi jo aapko basic se lekar advance level tak ki cheeze sikhati hai.

 

Bus jarurat hai aapko thoda sa apna dimag lagane ki. Kyonki kehte haina koi bhi kaam mushkil nahi hota bus aapko us kaam ko karne ki chah honi chahiye.

 

Aur Youtube to aesa platform hai jahan aap free me sab kuch seekh sakte hai. To apne smart phone aur internet connection ko sahi cheezo me use kare. Jisse aapki skills develop ho na ki dimag khrab ho.

 

Youtube par computer sikhne ke liye bus aapko search karna hai Computer Kaise Chalaye, How to use computer, Computer basics in Hindi.

 

Uske bad aapke samne bhut si videos aajayengi. Koi bhi ek video open karke aap video dekh sakte hai.

 

2. Google se Sikhe

 

Google search engine se aap kuch bhi seekh sakte hai. Jaise jab bhi hume kisi cheez ke baare me janna hota hai to hum Google par us cheez ko type karke search karte hai.

 

Google hume usse jude sabhi jawab dikha deta hai. Same usi tarah aap computer sikhne ke liye computer kaise sikhe, computer chalana kaise sikhe, Learn computer in Hindi kuch bhi type karke search kar sakte hai.

 

Aur Google Aapke samne aesi websites pesh kar dega jo computer chalana sikhati hai.

 

3. Join Good Computer Institute

 

Agar aap internet par nahi sikhna chahte ya aapko internet par samajh nahi aata to aap apne near by koi acha sa institute join kar sakte hai.

 

Jahan aapko computer course me basics se lekar advance level tak sikhaya jata hai. Aur is course ki duration 6 months ke aaspas hoti hai.

 

4. Online Computer Training

 

Online computer sikhne ke liye aapko bhut saari websites mil jayengi. Jahan free aur paid dono tarike se computer course karaya jata hai. Ab ye aapke uppar depend hai aap kaise sikhna chahte hai.

 

Yahan aap apne sawal bhi puch sakte hai. Aur computer ke alawa aur kuch sikhna chahe to wo bhi sikh sakte hai.

 

5. Android Application Ke Dwara Sikhe

 

Aap aksar apne phone me Google play store ka istemal karte hi honge. Lekin kya aap jante hai isse aap computer bhi sikh sakte hai.

 

Hanji, Aap jis tarah baki app play store se download karke install karte hai.

 

Same waise hi aap Computer course in Hindi, Learn computer in Hindi, Computer course aesa kuch bhi type karke computer sikhane wale apps download karke. Badhiya tarike se computer chalana sikh sakte hai.

 

Ye the kuch aese tarike jinme se aap agar kisi ek ko bhi use karte hai to aap aasani se kuch hi din me computer chalana seekh jayenge.

 

Ye bhi padhe:-

 

Paytm account kaise banaye?

YouTube ki search or watch history kaise delete kare

Google kya hai – Detailed information

Gmail or Email me kya difference hai

 

Conclusion

 

So friends, Aasha karte hai aapko samajh aagya hoga Computer kya hai (What is Computer in Hindi), Computer kaise chalate hai.

 

Phir bhi aapka koi sawal ya sujhav hai to hume comment karke jarur bataye.

 

Is blog par hum Internet aur Technology se judi jankari share karte rehte hai. Latest updates ke liye blog ko subscribe jarur kare.

 

Subscribe karne ke liye is page ke last me bane newsletter ke option par apna name aur email id enter karke “Subscribe Kare” par click kare.

 

Jab bhi hum koi new post update karenge aapko aapki mail id par uska notification mil jayega.

 

Post pasand aaya to Facebook aur Twitter par share karke apna pyar ❤️ aur support jarur de.

 

Nargis Praveen

Mai ek Blogger hu! Logo ki online help karne ke liye maine ye blog banaya hai. Jisse mai apna experience aur knowledge logo ke sath share kar saku aur aap bhi kuch naya seekh paaye.

2 thoughts on “Computer Kaise Chalate Hai? – (Computer Basics In Hindi)”

Leave a Comment

Share via
Copy link